Gjykata Kundër Korrupsionit dhe Krimit të Organizuar ka lëshuar 22 urdhër-arreste për dosjen 339. Sipas burimeve mësohet se gjatë natës policia ka zhvilluar aksione në Tiranë dhe Durrës, ku janë arrestuar disa zyrtarë lokalë. Në mesin e tyre ka vendime me arrest shtëpie, por edhe detyrim paraqitje. Sipas burimeve behet e ditur se në mesin e te arrestuarve ka vendime me arrest shtëpie, por edhe detyrim paraqitje. Të njëjtat burime sqarojne se në pranga kanë rënë edhe disa qytetarë, të cilët janë implikuar në blerje votash. Ky operacion është zhvilluar gjatë orëve të natës, ndërsa për këtë dosje ka patur edhe më herët të arrestuar. Urdhër arrestet e fundit të lëshuara janë kryesisht për qarkun e Durrësit, ndërsa prokurorët e çështjes deklarojnë se kanë prova të mjaftueshme për të implikuarit. Aktualisht për këtë çështje rreth 40 persona janë në proces gjyqesor.