Administrata e Presidentit të SHBA Donald Trump dhe Ukraina po planifikojnë të nënshkruajnë marrëveshjen e shumë debatuar për mineralet, pas takimit katastrofik në zuyrën Ovale, ku presidenti Zelensky u dëbua. Lajmin e konfirmuan katër burime pranë grupit që po merren me këtë çësjtke për Reuters. Presidenti Donald Trump u ka thënë këshilltarëve të tij se dëshiron të shpallë marrëveshjen në fjalimin e tij në Kongres të martën në mbrëmje, thanë tre nga burimet, dukë lenë të hapur mundësinë se situata mund të ndryshojë pasi marrëveshja ende nuk është nënshkruar. Shtëpia e Bardhë nuk iu përgjigj kërkesës për koment. Administrata presidenciale e Ukrainës në Kiev dhe ambasada e Ukrainës në Uashington nuk iu përgjigjën po ashtu kërkesave të Reuters. Marrëveshja u pezullua të premten pas një takimi në Zyrën Ovale midis Trump dhe presidentit ukrainas Volodymyr Zelenskiy që rezultoi në largimin e shpejtë të liderit ukrainas nga Shtëpia e Bardhë. Zelenskiy kishte udhëtuar në Uashington për të nënshkruar marrëveshjen. Por takimi u shoqërua me debate mes palëve e kjo gjë bëri që Zelensky të largohej.