Ish-drejtuesja e ish-Prokurorisë së Krimeve të Rënda, Donika Prela, nuk është paraqitur këtë të hënë para trupës së Kolegjit të Posaçëm të Apelimit. Prela, pëpërmjet bashkëshortit të saj, që ishte në seancë, ka kërkuar shtyerjen e saj, pasi ka paraqitur një raport mjekësor ku thuhet se për arsye shëndetësore nuk mund të paraqitet për 14 ditë. Pas kërkesës së prokurores, trupi gjykues vendosi shtyrjen e seancës më 5 shtator ora 15:00. Donika Prela u konfirmua në detyrë më 5 shkurt të vitit 2019 nga Komisioni i Pavarur i Kualifikimit, I cili u shpreh se nga verifikimet e kryera, nuk kishte rezultuar asnjë parregullsi në deklarimin e pasurisë. Por, Komisioneri Publik e ankimoi vendimin në shkallën e dytë të vettingut, në Kolegjin e Posaçëm të Apelimit. Gjatë seancës së fundit të KPA Prela ka kërkuar largimin e dy gjyqtareve Natasha Mulaj dhe Ina Rama nga shqyrtimi i vendimit pë të, pasi ajo ka hetuar familjarë të dy gjyqtareve ndaj kjo përbën konflikt interesi. Gjithsesi kërkesa Doniuka Prelës nuk u morën parasysh nga KPA dhe prokurorja do të gjykohet nga e njëjta trupë.