Burri që pati nxitur protesta të dhunshme pas djegies së librit të shenjtë Kuranit, është qëlluar për vdekje në Suedi, sipas raportimeve të mediave lokale. Salëan Momika, 38-vjeçar, raportohet të jetë vrarë në një apartament në Sodertalje të Stokholmit, pasditen e së mërkurës. Ai pati nxitur trazira të mëdha pasi pati djegur një kopje të Kuranit jashtë xhamisë qendrore të Stokholmit më 2023. Policia në Stokholm tha përmes një deklarate se pesë persona janë arrestuar pasi një burrë rreth të 40-ave është qëlluar për vdekje gjatë natës. Mediat lokale kanë raportuar se Momika ishte live në rrjetet sociale rreth kohës kur është qëlluar. Momika, një irakian që jetonte në Suedi, u akuzua në gusht, bashkë me një tjetër person, për “agjitacion kundër një grupi etnik”, në të paktën katër raste, në verën e vitit 2023.