Donald Trump planifikon të ftojë Mbretin Charles në SHBA pasi u emocionua jo pak nga dy ditë shfaqje e madhështisë në Mbretërinë e Bashkuar, sipas një zyrtari të lartë të Shtëpisë së Bardhë. Presidenti amerikan u kthye në Uashington të enjten në mbrëmje, pasi kaloi kohë me Mbretin në Kështjellën Ëindsor dhe u takua me Kryeministrin Starmer në Chequers. "Ishte një udhëtim vërtet fantastik. Britanikët dinë ta bëjnë këtë në mënyrë të përsosur", tha zyrtari për The Telegraph. Trump bëri vizitën e tij të dytë shtetërore në Mbretërinë e Bashkuar, e pashembullt kjo për një president amerikan. Detajet e ftesës së planifikuar dolën ndërsa Trump fluturoi për në shtëpi me Air Force One. Para se të largohej, ai falënderoi mikpritësit e tij dhe vlerësoi lidhjen mes Mbretërisë së Bashkuar dhe SHBA-së.