Rusia po pret përfundimin e një hetimi për sabotazh në gazsjellësin nord stream para se të bëjë një kërkesë për kompensim, tha agjencia shtetërore e lajmeve RIA duke cituar një zyrtarë të ministrisë së jashtme. Gazsjellësit nën detin baltik u dëmtuan në shpërthime, vitin e kaluar, dhe hetimet nuk kanë përcaktuar ende se kush është përgjegjës. Duke iu përgjigjur një pyetjeje për kompensimin, RIA citoi Dimitry Borichevski, shef i departamentit të bashkëpunimit ekonomik në ministri, të thotë: hetimi nuk ka përfunduar ende, ne po presim që rezultatet e tij ti paraqiten këshillit të sigurimit të kombeve të bashkuara dhe atëherë ne do të vendosim se cfarë do të bëjmë. Rusia ka fajësuar SHBA, Britaninë dhe Ukrainën për shpërthimet që e shkëputën atë nga tregu evropian. Këto vende kanë mohuar përfshirjen.