Quhet Louis Thomas Buffon dhe është vetëm 17 vjec e megjithatë ditët e fundit adoleshenti ka qenë në qendër të vëmendjes në median sportive. Djali i portierit legjendar Gianluigi Buffon dhe modeles ceke, Alena Seredova zgjodhi të veshë fanelën e përfaqësueses së Cekisë të U18 me të cilën bëri edhe debutimin. Futbollisti i ri që është pjesë e skuadrës së Pisa ka 2 nënshtetësi dhe në fund ai preferoi pikërisht kombësinë e nënës së tij dhe pranoi të bëhet pjesë e Cekisë U18 ‘Jam e lumtur që ai luan për skuadrën e vendit tim të lindjes-u shpreh Seredova pasi e shoqëroi djalin e saj në grumbullimin e skuadrës-por tani është gjithcka në duart e tij’. Të pranishëm në ndeshjen e tij ishin rreth 300 veta, shumë prej tyre ishin gazetarë. Dikush vuri në dukje se djaloshi sistemonte vazhdimisht flokët pas veshit, dicka tipike italiane, dikush tjetër nënvizoi edukatën e një të riu që duket sikur vjen nga një epokë tjetër.