Helikopteri i NASA-s, Inxhenuiti, që u dërgua në mars bashkë me roverin Perseverancë, do të tentojë sot të bëhet mjeti i parë që fluturon mbi një planet tjetër që nuk është toka. Konfirmimi i suksesit sidoqoftë do të mbërrijë në tokë, më vonë. Kjo është dita e madhe e NASA-s. Helikopteri në miniaturë Ingeniuty i dërguar në mars bashkë me roverin Perseverancë, do të tentojë të fluturojë mbi sipërfaqen e marsit, të hënën, duke u bërë i pari mjet i telekomanduar që do të fluturojë mbi një planet tjetër. Nëse gjithcka shkon sipas planit, helikopteri 1.8 kg do të ngrihet ngadalë në një lartësi prej tre metrash mbi sipërfaqen e marsit, për të paktën 30 sekonda, e më pas do të rroturllohet para se të bëjë një zbritje të lehtë. Por të dhënat që konfirmojnë rezultatin do të mbërrijnë sidoqoftë me vonesë në Nasa. Testi do të zhvillohet në një largësi prej 280 milionë kilometrash nga toka, në sipërfaqen e kraterit marsian Jezero. Helikopteri i vogël u dërgua në planetin e kuq i lidhur në roverin Perseverancë, që preku tokë më 18 shkurt në kraterin jezero, pas një udhëtimi shtatë mujor në hapësirë. Nasa shpreson të marrë imazhe dhe video të fluturimit nga kamerat e montuara në helikopter dhe në roverin perseverancë, që do të jetë i parkuar 76 metra larg tij. Nëse testi do të ketë sukses, atëherë Ingenuity do të kryejë edhe disa fluturime të tjera më të gjatë javët e ardhshme, edhe pse duhet të pushojë për katër apo pesë ditë, mes tyre, për të karikauar bateritë.