Qytetarët e Tiranës kanë tashme një lulishte të rehabilituar në hyrje të Liqenit Artificial. Në Ditën Botërore të Muzikës, Bashkia e Tiranës, në bashkëpunim me ambasadën polake dhe atë franceze, përuroi lulishten e re që mban emrin e kompozitorit të njohur polak, Frederic Chopin. Kete lulishte Veliaj e ka qujatur nje tjeter bizhu per kryeqytetin. “Ky është një vit përvjetorësh; është përvjetori i Chopin, është edhe përvjetori i Tiranës kryeqytet. Një nga nismat që mund të funksionojë edhe në kohë pandemie është rehabilitimi i hapësirave publike në qytet. Sheshi “Chopin” është hyrja kryesore e Liqenit Artificial të Tiranës, pra është një reflektim i fundit pare se të futemi në një mjedis më të qetë dhe më të pastër. Ndaj, më vjen mirë që kjo portë e Parkut të Madh të Liqenit Artificial të Tiranës, sot ka dalë në dritë; është një bizhu e pastruar nga pluhuri, ka marrë shkëlqim, është kuruar me detaje, dhe besoj se do të kthehet në një hapësirë reflektive të çfarë do të thotë sot të jesh njeri i mirë, i talentuar, por edhe evropian i mirë” Velija nënvizoi se vetë figura e kompozitorit të njohur, që lindi në Poloni dhe u transferua në Francë, është një sinonim edhe i shumë historive të suksesit të Shqipërisë.