Një avion Boeing 747 që i është ofruar si dhuratë Presidentit Donald Trump nga Katari, për tu përdorur si një Air Force One i përkohshëm, mund të ketë nevojë për eskortë avionësh luftarakë dhe mund të kufizohet në fluturime brenda SHBA-së, përveç nëse bëhen përmirësime të konsiderueshme dhe të kushtueshme të sigurisë, thanë ekspertët e aviacionit dhe burimet e industrisë. Edhe nëse bëhen përmirësime të shumta në komunikimet dhe mbrojtjen e avionit gjatë muajve të ardhshëm, eskorta ushtarake dhe kufizimi i brendshëm mund të mbeten në fuqi, thanë ekspertët. Kostot nuk dihen, por mund të jenë të konsiderueshme duke pasur parasysh që përpjekja aktuale e Boeing për të ndërtuar dy avionë të rinj Air Force One tejkalon 5 miliardë dollarët. Ka ndërkohë edhe dilema serioze nëse një kombinim i shoqërimit nga avionë luftarakë dhe përmirësimit afatshkurtër do të ishte i mjaftueshëm për të siguruar mbrojtjen e duhur për presidentin.