Dhoma Amerikane e Tregtisë në Shqipëria ka rekomanduar tërheqjen e nismës për projektligjin e amnistisë fiskale. Në një njoftim të bërë prej tyre shkruhet se vëren shqetësime serioze në draftin në fjalë. Më tej thuhet se ndryshimet e bëra prej propozimit të para dy viteve nuk janë thelbësore për të ndryshuar rreziqet e ngritura prej saj dhe nga partner të tjerë ndërkombëtarë. Në qëndrimin e Dhomës Amerikane të Tregtisë thuset se dispozitat e këtij projektligji nuk ofrojnë garanci që individë me aktivitete kriminale serioze si droga, trafiku i qënieve njerëzore, pastrimi i parave janë të përjashtuar nga amnistia. Ndër të tjera, zbatimi I amnistisë do të sjellë konkurrencë të pandershme duke favorizuar individë me aktivitete të shkuara të paligjshme. Po ashtu pozicionimi I Shqipërisë sa i përket vëzhgimit të bërë nga Moneyval do të përkeqësohet, pasivendi ynë ndodhet në listën gri. Zbatimi i kësaj amnistie në këto momente kur Shqipëria ende po punon për rritjen dhe forcimin e strukturave monitoruese do të sjellë një stuhi të ekonomisë informale. Madje projektligji në fjalë do të ndikonte negativisht drejtpërdrejt në procesin e anëtarësimit të Shqipërisë në BE. Kryeministri Rama nuk ka ndërmend të tërhiqet nga kjo nismë, pavarësisht kundërshtimit nga Evropa. Në 15 korrik, Rama do të diskutojë me përfaqësuesit e biznesit në lidhje me projektligjin.