Akuzave të opozitës se brenda spitaleve COVID nuk ka kapacitete pasi janë ezauruar të gjithë shtretërit me pacientë, kryeministri Edi Rama, vijon t'u përgjigjet me video ekskluzive brenda spitaleve. Këtë të enjte ka publikuar një video nga spitali "Shefqet Ndroqi" që ndryshe njihet si COVID 2, krahas të cilës shkruan se edhe pse s'duan opozitarët realiteti i spitaleve është ai që shihet në video. Drejtori i spitalit Perlat Kapisyzi bën një prezantim të numrit të trupës shëndetësore në spitalin covid 2. Por, sa pacientë ndodhen në këtë spital dhe a ka shtretër të lirë. Edhe për këtë përgjigjen e jep doctor Perlat Kapisyzi. Vetë Rama në facebook, teksa poston këtë video shkruan se duan apo s'duan lehaqeniet e çakërdisura të opozitarizmit vulgar, agresiv, gënjeshtar, realiteti brenda spitaleve Covid është pa pikë dyshimi ai në këtë video.