Operacioni Forca e Ligjit u ka kërkuar kwtw tw martw deklarimin e pasurisë tre personave të dënuara më parë. Ata janë dënuar për mbajtje peng e shfrytëzim prostitucioni, trafik droge dhe marrja pjesë në grup kriminal. Bashkim Bubeqi., banues në Elbasan, i dënuar për veprat penale “Rrëmbimi ose mbajtja peng e personit” dhe “Shfrytëzimi i prostitucionit”; Durim Koçi, banues në Elbasan, i dënuar për veprën penale “Trafikimi i narkotikëve”; Emanuele Budini, banues në Elbasan, i dënuar për veprat penale “Grupi i strukturuar kriminal” dhe “Vjedhja”. Ata duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.