Të tjera detaje tronditëse kanë dalë në dritë në lidhje me vrasjen e çiftit shqiptar, Shpëtim dhe Teuta Pasho në Itali. Çifti Pasho mësohet se janë vrarë në shtëpinë ku ata qëndronin me qira muajin e fundit. Aty janë masakruar dhe vendosur në katër valixhet e gjetura në afërsi të burgut Solliciano. Sipas të dhënave të fundit Shpëtim Pasho është vrarë me thikë, në kohën kur ai po flinte gjumë, prandaj në trupin e tij nuk ka shenja dhune. Ndërkohë që Teuta Pasho, është rrahur për vdekje dhe dëshmi për një gjë të tillë janë hematomat dhe kockat e thyera të gruas. Njw tjetwr provw pwr kwtw wshtw fakti se në momentin e vrasjes çifti ka qenë i veshur me pizhama. Pas vrasjes trupat e tyre mësohet se janë prerë me sharrë elektrike dhe janë mbështjellë me materiale të ndryshme. Gjendja e mbetjeve të dy viktimave, të cilat nuk ishin të konsumuar në një shkallë të madhe, tregon sipas ekspertëve se ata mund të jenë mbajtur në frigorifer për disa kohë. Për zbulimin e misterit të çiftit Pasho, ekspertët kanë parë si çelës të zgjidhjes djalin e tyre, Taulant Pasho, aktualisht i burgosur në Zvicër. Në një njoftim të fundit prokuroria italiane ka kërkuar që Taulant Pashon ta mbajnë të burgosur në Zvicër, pavarësisht dënimit që ai ka edhe në Itali. Për të marrë më shumë detaje në lidhje me çështjen prokurorët do të shkojnë në Zvicër për ta marrë në pyetje atë, rreth fatit të prindërve të tij dhe ajo që mund të ketë çuar në ngjarjen makabre.