Dita e premte është ajo e sfidës më të shumëpritur në futbollin shqiptar, Derbit të kryeqytetit mes Tiranës dhe Partizanit. Të kuqtë e Ilir Dajës vijnë në këtë përballje pas 4 ndeshjeve radhazi pa fitore, ku e fundit ishte humbja me Skënderbeun ndërkohë që Tirana po shfaqet në një formë të mirë teksa ka shënuar 3 fitore radhazi. Trajneri i partizanit, Ilir Daja theksoi se kur bëhet fjalë për një Derbi, nuk kanë rëndësi rezultatet e kaluara dhe se skuadra e tij duhet ta konsiderojë si një ndeshje të radhës Por kjo ndeshje Derbi do të jetë edhe një duel mes trajnerëve Orges Shehi dhe Ilir Dajës, që dikur kanë arritur shumë suksese së bashku në radhët e Skënderbeut. Por tekniku i Partizanit theksoi se ky derbi nuk është i trajnerëve, por futbollistëve në fushë… Derbi mes Tiranës dhe Partizanit që do të luhet të shtunën në orën 13:00 për shkak të masave anticovid do të luhet pa tifozë, por ai do të transmetohet në platformën Digitalb.