Erion Braçe denoncoi në Kuvend përmes disa mesazhe, që tha se ja kanë nisur fermerë të Lushnjes, të cilët akuzojnë kompaninë Lufra se ka nisur një fushatë dezinformimi kundër prodhimit vendas. Deklarata e deputetit socialist u bë nga foltorja e Kuvendit, ku kishte thirrur një interpelancë me ministrin e Bujqësisë, Andis Salla. Ministri tha se çdo fushatë, apo manovër antiligjore që penalizon fermerët vendas është e dënueshme. Braçe kërkoi nga qeveria që të rishikojë skemën e subvencionimit të TVSh për fermerët dhe ta barazojë atë si në shitje, ashtu edhe në blerje.