Demokratët i dërguan një letër misioneve diplomatike ku justifikojnë qëndrimin e tyre në seancë dhe akuzojnë mazhorancën për mungesën e debatit për herë të parë në 35 vite pluralizëm gjatë prezantimit të programit qeverisës. Shfaqjen e videos së ministres virtuale ‘Diella’, Partia Demokratike e konsideron një plan të orkestruar nga kryeministri Edi Rama për të provokuar opozitën parlamentare. “Deputetët e opozitës kërkuan në mënyrë të përsëritur nga Kryetari i Kuvendit t'i lejohej Kryeministrit të vazhdonte fjalimin e tij, pasi ai u ndëpre për të paraqitur një mesazh video të montuar nga e ashtuquajtura "Ministria e Intelligjencës Artificiale Dielia". Në të gjithë historinë e pluralizmit parlamentar shqiptar, fjalimi i Kryeministrit gjatë seancës plenare për miratimin e programit politik dhe përbërjes së qeverisë nuk është ndëprerë kurrë për asnjë arsye.” – thuhet në letrën e grupit parlamentar të Partisë Demokratike.