Një mi që kërkonte mina, që u vlerësua me ekuivalentin e një kryqi të Xhorxhit, nderimi më i lartë ky në britaninë e madhe, se ka lokalizuar me sukses mina toke, tani ka dalë në pension. 7 vjecari Magawa, që ishte tranuar nga një organizate belge bamirësie, zbuloi 71 mina toke dhe 28 municione të tjera të pashpërthyera në Kamboxhia, duke pastruar më shumë se 141 mijë metra katrorë tokë, gjatë karrierës së tij. Tani, pesë vite pasi ai doli për herë të parë në fushë, ai që kujdeset për miun hero, tha se brejtësi do të fillonte të pushonte pak, pasi ishte në moshë të thyer dhe se kishte ardhur koha që të respektoheshin nevojat e tij. E kjo ndodh disa muaj pasi miushi afrikan që mund të nuhasë minat e tokës 96 herë më shpejt krahasuar me zgjidhjet e tjera konvencionale, u vlerësua për punën e tij me një medalje të artë PDSA, që është ekuivalentja për kafshët e kryqit të Xhorxhit. Magaëa sidoqoftë do të mbetet pranë organizatës belge, me bazë në tanzani, edhe për disa javë, me qëllim që të trajnojë një klasë të re minjsh të rekrutuar së fundmi.