Kryeministri Edi Rama gjatë intervistës në emisionin “Open” në Top Channel ka reaguar edhe për deklaratat më të fundit të presidentit serb Aleksandër Vuçiç sipas të cilit nëse çështjet e mbetura pezull nuk zgjidhen përmes dialogut, Kosova dhe Serbia mund të përfshihën në konflikt siç ndodhi së fundmi në Nagorni Karabak. Sipas Ramës nuk ka asnjë mundësi që Kosova dhe Serbia të përfshihen në luftë. “Për çfarë lufte flitet. Çfarë lufte provokonVuçiç. Serbia e ka humbur luftën. Kosova është një shtet i pavarur dhe demokratik. Po, Kosova ka bërë shumë gabime në marrëdhëniet diplomatike dhe ka humbur shumë terren, por nuk ka shanse për gjëra të tjera, ata janë deklarata të kota” I pyetur nga analistët në studio për raportin e ftohtë që ka pasur me disa nga figurat kryesore politike në kosovvë, si Albin Kurti apo ramush Haradinaj, Rama tha se të dy kanë bërë lëvizje diplomatike të gabuara. “Me këtë të parin nuk kam pasur marrëdhënie të ftohura. Me dy të tjerët po. E gjitha është se ata kanë bërë lëvizje të gabuara në diplomaci dhe këtë ja kam thënë publikisht. Kosova është prioritetim im i parë në marrëdhëniet e jashtme”