Dani Alves nis grevën e urisë në burg. Mbrojtësi legjendar i Barcelonës është arrestuar prej fundit të janarit nga policia katalane, pasi akuzohet se ka dhunuar seksualisht një vajzë, në një klub nate në qytet. Megjithatë së fundi 39-vjeçari ka marrë lajmin se bashkëshortja e tij, modelja Joana Sanz ka vendosur t’i kërkojë divorcin dhe burime nga burgu, bëjnë me dije se nuk e ka përjetuar aspak mirë. I tronditur nga kërkesa për divorc, braziliani ka vendosur të hyjë në grevë urie dhe prej dy ditësh nuk ka ngrënë asgjë në qelinë ku po mbahet në burg, në pritje të vendimit të gjykatës.