Dafina Zeqiri një javë më parë publikoi të gjitha detajet nga albumi i saj i shumëpritur, “Dafinë Moj”. Këngëtarja zbuloi të gjitha detajet në lidhje me këtë projekt muzikorë, përfshirë këtu edhe bashkëpunimet. Mes tyre bie në sy fakti se Dafina do të sjellë edhe një bashkëpunim me Tunën. Kjo është hera e parë që këngëtaret bashkojnë sërish forcat pas armiqësisë së tyre që zgjati për disa vite. Ashtu siç pati paralajmëeruar më parë, Dafina Zeqiri ka realizuar edhe një këngë me nënën e saj, Melihate Zeqiri, e cila ka qenë këngëtare shumë vite më parë. Artistja e njohur gjithashtu ka bashkëpunuar edhe me partnerin e saj, Dj Geek, ku prej disa kohësh janë në një lidhje dashurie bashkë. Në total Dafina numëron 14 këngë për albumin e ri dhe 10 prej tyre janë duete. Mirëpo, pa u publikuar ende albumi, bukuroshja e njohur ka vendosur të ndërmarrë një nismë shumë humane. Dafina ka zbuluar se të gjitha paratë që do të mblidhen nga shitja e albumit “Dafinë Moj” do t’ju jepen rasteve sociale që trajtohen në një shoqatë autizmi në Prishtinë dhe degëve të saj. “Të gjitha të hollat që do të mbledhin nga shitja fizike e albumit ‘Dafinë Moj’ do t’i dedikohen rasteve sociale që trajtohen në shoqatën autizmi në Prishtinë dhe degëve të saj në Lipjan, Podujevë e Prizren. Në këto kohëra të vështira, të gjithë mund të jemi afër njëri-tjetrit me kauza të ndryshme. Jam shumë krenar për ty Pëllumb, për gjithë skudrën tonë si dhe fansat! Zoti është i mirë!”, shkruan këngëtarja në Instastory.