Ridley Scott është ndërkohë legjendë pasi ka drejtuar filma kult si "Blade Runner" dhe "Alien". E në moshën 83 vjecare, regjisori britanik reagon edhe gjatë pandemisë, duke parë nga e ardhmja me optimizëm. Ai madje po punon me tre projekte. Jo vetëm “Shtëpia e Guccit”, për të cilin po xhirohet në itali, por edhe për “Dueli i fundit” me Ben Affleck dhe Matt Damon, dhe Kitbag, me joaquin Phoenix dhe që i dedikohet napoleonit. Shtëpia e Guccit, është mbështetur në librin e 2001 me të njëjtin titull, që tregon historinë e Patrizia Reggiani, e gjykuar dhe dënuar pasi ka organizuar vrasjen e ish bashkëhsortit të saj dhe drejtues të shtëpisë së famshme të modës, Maurizio Gucci. Fillimisht filmi duhej të kishte si protagonistë Angelina Jolie dhe Leonardo di Caprio, por rolet kryesore i shkuan në përfundim Lady Gaga-s dhe Adam Driver. Ndërkohë që kasti ëhstë i mbushur me yje si Al Pacino, Jared Leto dhe Jeremy Irons. Dalja e tij parashikohet për më 24 nëntor të këtij viti. Dueli i fundit në anën tjetër është i vendosur në mesjetë dhe bëhet fjalë për një thriller historik. Ndërsa filmi i tretë për të cilin po punon Ridley Scott, ëhstë për momentin një projekt. Kitbag, flet për Napoleon Bonaparte-n me rolin e tij që do të interpretohet nga Joaquin Phoenix, që ka luajtur Commodon për regjisorin tek Gladiatori. Produksioni ëhstë ende i largët dhe duhet të fillojë në mesin e 2022.