9 të vdekur nga Covid 19 dhe 115 raste të tjera u shënuan gjatë 24 orëve të fundit në Kosovë nga 466 kampione të marra. Shumica e të infektuarve të rinj ishin sërish nga Prishtina, pasuar me Drenasin, Gjakovën e Ferizajn. Insituti Kombëtar i Shëndetësisë Publike njoftoi se janë shëruar 116 pacientë, ndërsa numri i rasteve aktive është 3.352. Në Maqedoninë e Veriut ndërkohë tani mund të flitet për një trend në rënie të sëmundjes pasi për pesë ditë rresht, numri I rasteve të reja me Covid 19 është nën nivelin nën 10 për qind tek pacientët e testuar. Në fillim të javës u kryen 860 teste, prej të cilave 78 pacientë rezultuan pozitivë në virusin korona. Në vijim, edhe pse numri I testeve u shtua, numri i pacientëve nuk pati rritje të madhe. Këto ditet e fundit, ka pasur momente kur përqindja e të infektuarve të rinj nuk ishte më e lartë se pesë-gjashtë për qind. Ndërkohë vihet re dhe një përmirësim I situatës në zonën më problematike, atë të Shkupit. Ministri i Shëndetësisë Venko Filipçe kujtoi edhe një herë se furnizimi i vaksinës kundër Covid-19, do të bëhet përmes mekanizmit KOVAKS pranë Organizatës Botërore të Shëndetësisë. Nga ana tjetër, lidhur me vaksinën kundër gripit sezonal, Filipçe ka thënë se këtë vit do të sigurohen dyfish sasi më të mëdha. Në disa vende rekomandohet për pjesën më të madhe të popullatës, me qëllim që të shmangen komplikime më të rënda nëse vjen puna tek një kryqëzim I grupit stinor me koronavirusin.