Pandemia e koronavirusit në vendin tonë vijon të jetë e perkeqësuar. Të dhënat ditore e konfirmojnë këtë, ku në 24 orë u raportuan 18 viktima, një nga ditët me më shumë humbje jete që nga nisja e epidemisë në marsin e vitit të kaluar. Sipas ministrisë së Shëndetësisë personat që kanë humbur jetën janë të moshave nga 39-84 vjeç, pra mes tyre ka edhe të sëmurë në mosha të reja. Me këto të dhëna numri i përgjithshëm i viktimave ka shkuar në 1600. Të larta janë edhe rastet e reja me Covid 19, ku janë konfirmuar 1075 qytetarë të prekur nga virusi, si pasojë e 3901 testimeve të kryer ndaj personave të dyshuar. nga këto raste të reja 361 janë në në Tiranë, 84 në Fier, 71 në Durrës, nga 46 raste në Vlorë dhe Librazhd, 42 në Kukës, 36 në Krujë, 35 në Kuçovë, 29 në Elbasan, 28 në Sarandë, nga 23 raste në Korçë dhe Gjirokastër, 19 në Shkodër, nga 18 raste në Mallakastër dhe Pogradec, 17 në Malësi e Madhe, nga 16 raste në Lezhë dhe Kamëz, 14 në Kurbin, 11 në Kavajë, nga 10 raste në Berat. Në total numri i rasteve pozitive me covid 19 që nga marsi ka shkuar në 95 726. Edhe shtrimet në spitale, kanë shnëuar një rekord më vete, ku në spitalet covid në Tiranë dhe në rrethe po trajtohen 585 pacientë, nga të cilët 37 në terapi intensive dhe 12 janë të intubuar. Në 24 orët e fundit janë shëruar 890 qytetarë, duke e çuar numrin e të shëruarve 59,684 që nga fillimi i epidemisë, ndërsa raste aktive janë 34 442 persona.