Në prag të nisjes së sezonit të ri shkollor, kryetari I Partisë Demokratike Lulzim Basha ka kërkuar nga qeveria që të kryejë teste për Covid 19 të gjithë stafit mësimor. Nëpërmjet një postimi në rrjetet sociale Basha thekson se mbetet detyrë parësore e qeverisë të marrë masa konkrete për të shmangur përhapjen e virusit mes nxënësve dhe mësuesve. Sipas kreut të opozitës veç dezifektimit të ambjenteve shkollore, mësimit me turne për të shmangur klasat me shumë nxënës, duhet kryer urgjentisht dhe testim masiv për të gjithë stafin mësimor. Basha kërkon që çdo mësues ditën e parë të shkollës duhet të ketë rezultatin e testit të COVID-19., pasi sipas tij me testime të shpeshta të stafit mësimor në vazhdim, do të mund të shmanget dhe një zinxhir i mundshëm infeksioni që do ta rëndonte edhe më tej situatën.