E shtuna dhe e diela është mundësia e fundit për të udhëtuar lirisht drejt Shqipërisë. Nga data 6 shtator, kushdo që i drejtohet vendit tonë, përfshirë edhe shqiptarët që janë aktualisht jashtë vendit dueht të kenë pasaportën e vaksinimit, ku nga data e vaksinimit të plotë të kenë të paktën dy javë. Së dyti, nëse nuk kanë bërë vaksinën, atëherë duhet të kenë patjetër testin PCR negativ brenda 72 orëve dhe së fundmi testin e shpejtë të antigenit brenda 48 orëve ose të kenë provë të kalimit të infeksionit Sars-Cov2, të vlefshme deri në 6 muaj pas shërimit. Shqiptarët rezident në Shqipëri që nuk disponojnë asnjë nga këto dokumente duhet të vetizolohen për plot 10 ditë dhe të informojnë autoritetin shëndetësor për të kryer një test në fund të periudhës së izolimit. Ndërsa një shqiptar jo rezident që kërkon të hyjë në atdhe pa vaksinë, tampon, apo test serologjik, ndryshe nga shqiptari resident, nuk ka të drejtë të vetëkarantinohet 10 ditë, por i duhet të kthehet në vendin nisjes.