Kreu i Partisë Demokratike, Lulzim Basha nga Pogradeci, ku ishte për të parë nga afër situatën e biznesit të vogël të këtij qyteti dhe gjendjen e turizmit, ka akuzuar sërish qeverinë për mos marrjen e masave të nevojshme për të mbështetur bizneset në këto kohë të vështirësive të mëdha ekonomike Pasi ka dëgjuar shqetësimet e një biznesi familjar bulmeti, Basha ka premtuar mbështetje për sipërmarrësit, prodhuesit e bizneset duke parashtruar objektivat e opozitës, pasi sipas tij qeveria aktuale nuk po bën asgjë për t’i mbështetur. Kreu i PD iu ka bërë thirrje qytetarëve dhe bizneseve të marrin masa ndaj COVID-19 duke ruajtur distancën, higjienën dhe përdorur maska në ambiente të mbyllura, pasi sipas tij qeveria është dorëzuar.