Spitali Covid 3 do të hapë këtë të dileë pavionin e tretë për të pritur pacientët e infektuar me kornavirus dhe brenda javës do të hapet për të pritur pacientë edhe spitali covid 4. Ministria e shëndetësisë po merr masa për të përballuar sa më mirë situatën nga pandemia në këto ditë të fundit ku shifrat e rasteve të reja janë rritur në mënyrë të ndjeshme. Burime nga QSUT thanë për Top Channel se do hapet pavioni i tretë, i spitalit Covid 3 dhe brenda javës do të hapet edhe spitali Covid 4. Në spitalin COVID 3 janë 150 shtretër. Ndërsa pavioni i fundit që hapet ka 50 shtretër. Spital Covid 4 që do të hapet brenda javës ka 100 shtretër. Ne total në 4 spitalet Covid janë 550 shtretër. Më pas plani për të përballuar këtë situatë emergjence është që do të hapen disa spitale rajonale për trajtimin e pacientëve me covid. Rritja e kapacitete në spitale ka ardhur pas rritjes së numrit të të prekurve me COVID-19 në vendin tonë.