Nga një analizë e konfindustrisë mbi çmimet e karburantevene vend, rezulton se ato vazhdojnë të jenë nga më të lartat në evrope e bote, duke qene një nga shkaqet kryesore të fuqisë së ulët konkuruese të ekonomisë shqiptare. Konfindustria thekson, se përmirësimi rrënjësor i funksionimit të tregut të karburanteve, do të jetë ndër kërkesat kryesore të saj ndaj partive politike në zgjedhjet e afërme të vitit 2021. Sipas analizës krahasimore të kryer nga Qëndra e Studimeve të Konfindustrisë, çmimet e karburanteve në Shqipëri për 9 mujorin e vitit 2020 rradhiten ndër më të lartat në Europë, duke tejkaluar ndjeshëm edhe vende të pasura si Gjermania, Austria, Zvicra, etj. “Në nivel rajoni çmimet e karburanteve në tregun shqiptar janë 50% më të shtrenjta sesa shtete fqinje si Maqedonia, Kosova. Shqetësues është fakti se ndërkohë që në tregjet europiane të shitjeve me pakicë të karburanteve në 9 mujorin e parë të 2020, rënia e cmimeve botërore të karburanteve u pasqyrua në nivelet e 45-80% në tregun shqiptar ishte vetëm në 13-18%. Standarte tepër të ulta të cilësisë së karburanteve në qarkullim në Shqipëri, thellojnë edhe shumë më tepër problematikat e mësipërme”, thuhet ne njoftimin e konfidustrise. analiza mbi treguin e karburanteve vlerëson se çmimet e larta dhe cilësia e dobët e tyre, rrezikojnë drejtpërdrejt falimentimin e bizneseve prodhuese dhe të shërbimeve shqiptare, tërheqjen e investimeve të huaja dhe të vendit, rritjen e papunësisë, prekin rëndë mirëqënien e qytetarëve, duke goditur ashpër zhvillimin ekonomik afatgjatë të vendit i goditur rëndë nga pasojat e pandemisë së Covid 19.