“Unë besoj se mund të jeshe bukur në cdo moshë”; këto fjalë të Claudia Schiffer përputhen plotësisht edhe me rastin e saj. Modelja legjendare gjermane, një ikonë e bukurisë botërore mbushi 50 vjec, por nuk I tregon aspak! Në fakt, ajo duket po aq e bukur sa përherë. Ndryshe nga modelet e pasarelave të 2020-tës, të cilat konsiderohen thuajse të gjitha njësoj, Claudia ishte pjesë e grupit të supermodeleve të viteve 90` që trajtoheshin sit ë ishin yje roku. Emrin, ajo e bëri me seancën e famshme fotografike për Guess në 89`, një famë e papritur dhe jo domosdoshmërisht e kërkuar fort prej saj. në fakt, sic rrëfente disa muaj më parë për edicionin britanik të revistës Elle, “ nuk e kishte ndjerë kurrë nevojën për vëmendje”. Është konsideruar gjithmonë një njeri me të cilin e këndshme të punoje, e disiplinuar dhe një femër që I qëndroi larg skandaleve. Ndryshe nga supermodele të tjera të egra të gjeneratës së saj si Kate Moss, Schiifer nuk I mbushi kurrë titujt e gazetave rozë për ekzagjerime pas festave. Claudia u zbulua kur ishte 17 vjec teksa kërcente në diskotekë. Ironia është se asokohe, mendonte të ecte në gjurmët e të atit e të bëhej avokate. Por vajza e turpshme nga Rheinberg-u, në vend të kësaj, u kthye në një yll!