Microsoft fajësoi një gabim aksidental njerëzor pasi motori i tij i kërkimeve Bing, nuk tregonte imazhin pas fjalës kyce Njeriu i Tankut. Fraza lidhet me imazhin ikonik të një protestuesi të vetëm që qëndronte para tankeve në sheshin Tienanmen në Kinë gjatë demonstratave të vitit 1989. Të premten, përdoruesit që kërkonin me këtë frazë, merrnin një mesazh: nuk ka asnjë rezultat për njeriun e tankeve. Kjo ndezi menjëherë akuzat për një censurë të mundshme në përvjetorin e protestës. “Njeriu i tankeve” shpesh përdoret për të përshkruar njeriun që nuk u identifikua asnjëherë, por që qëndronte para tankeve në sheshin tienanmen në qershor 1989. Ai u bë imazhi përcaktues i raprezaljes në të cilën qindra e ndoshta edhe mijëra njerëz u vranë. Por, kur përdoruesit në vende si Britania, SHBA apo Singapori përpiqeshin të gjenin imazhin të premten, në përvjetorin e 32 të protestës, ai duket se ishte zhdukur. Kina censuron debatet online për raprezaljen në sheshin Tienanmen. Këtë vit, ceremonitë për përvjetorin e protestës në hong kong ishin të pakëta pasi autoritetet i ndaluan ato. Pekini dihet se i kërkon motorëve të kërkimit që operojnë në juridiksionin e tij të censurojnë rezultatet, por ato kufizime nuk aplikohen jashtë kinës.