Presidenti rus Vladimir Putin ka paralajmëruar se kushdo që do të ndërhyjë në ngjarjet e tij në zhvillim do të përballet me pasoja të rënda që nuk janë hasur kurrë në histori. Kjo deklaratë e Putin është marrë si një kërcënim, ndërsa të gjithë mendojnë se presidenti e ka fjalën për armët bërthamore, por pak e dinë se Rusia ka një sistem të gjerë armësh, që me to mund të shkatërrojë Ukrainën dhe më gjerë, pa rrezikuar pasojat e pashmangshme të një konfrontimi bërthamor. Bëhet fjalë për një raketë të quajtur Kh-47M2 Kinzhal, e cila është tepër e shpejtë dhe kryen manovra që do ta ndihmonin atë të shmangte çdo mbrojtje raketore aktuale të NATO-s. Kinzhal është një raketë praktikisht e pandalshme që mund të pajiset me koka bërthamore ose me eksplozivë të fuqishëm, si dhe të shkaktojë dëme të konsiderueshme vetëm duke goditur objektivin e saj me një shpejtësi të madhe. Nga ana tjetër, raketa radio-elektrike Alabuga thuhet se është në gjendje të çaktivizojë çdo qark elektronik brenda një rrezeje prej tre miljesh, duke shkatërruar pajisjet e kontrolluara nga kompjuteri dhe duke reduktuar raketat e armikut, pajisjet e radarëve dhe madje edhe tanket. Me këto armë dhe të tjera, rusët mund të arrijnë të shkatërrojë Ukrainën, duke shkaktuar pasoja fatale.