Tregjet kryesore të aksioneve në Azi kanë pësuar rënie të ndjeshme, në një kohë kur tensionet mes SHBA-së dhe Iranit janë përshkallëzuar dhe konflikti ka hyrë në javën e katërt, duke shtuar pasigurinë në ekonominë globale. Indekset kryesore kanë shënuar humbje të forta, me Nikkei në Japoni që ra rreth 3.5% dhe Kospi në Korenë e Jugut mbi 6%. Këto vende janë ndër më të prekurat, për shkak të varësisë së lartë nga furnizimi me energji që kalon përmes Ngushticës së Hormuzit. Situata është rënduar më tej pasi Irani ka bllokuar këtë rrugë kyçe detare, nga ku kalon rreth 20% e naftës dhe gazit në botë, teksa paralajmërimet për sulme të reja dhe kundërpërgjigje kanë rritur frikën për një përshkallëzim edhe më të madh të konfliktit.