Një ngjarje e rëndë është shënuar këtë të shtunë në një provincë të Sicilisë në Itali, ku një shqiptar vrau bashkëshoren e tij. Ernesto Favaro goditi disa herë më thikë 29 vjecaren, Maria Amatuzzo me shtetesi italiane, duke e lënë të vdekur në vend. Ngjarja e rëndë u shënua në shtëpinë e ciftit në Marinella di Selinunte, konkretisht në oborrin e shtëpisë. Pavarësisht se ambulanca nuk vonoi për të mbërritur në vendin e ngjarjes, 29 vjecarja ndërroi jetë si pasojë e plagëve të shumta në trup. Nuk dihen ende motivet e ngjarjes së rëndë, por paraprakisht dyshohet se krimi i rëndë ndodhi për shkak të xhelozisë nga ana e 69 vjecarit. Në momentin e mbërritjes së policisë në vendin e ngjarjes, autori u gjet me thikën në dorë, amrë e cila u sekuestrua në cilësinë e provave materiale. Shqiptari u shoqërua në komisariat për tu marrë në pyetje për krimin e rëndë, ndërsa hetimet kanë nisur për të zbardhur rastin në fjalë. Prokurorët kanë marrë në pyetje fqinjët të cilët deklaruan se cifti kishte dy djem, binjakë dhe se ata jetonin në këtë zonë prej 10 vitesh. Mediat italiane nuk dhanë më shumë detaje se kaq. Pamjet: AFP