Apeli i GJKKO ka lënë në fuqi vendimin e Gjykatës së Posaçme të Shkallës së Parë, atë të dënimit përjetë për Redjan Rrajën, i akuzuar për atentatin ndaj ish-prokurorit Ardjan Ndoji, ku mbeti i vrarë shoferi i tij Andi Maloku. Apeli i GJKKO, ka deklaruar fajtor Redjan Rrajën për veprën penale "Vjedhja”, kryer në bashkëpunim, në formën e grupit të strukturuar kriminal, dhe dënimin e tij me 7 vite burg. Fajtor për veprën penale "Mbajtja pa leje dhe prodhimi i armëve, armëve shpërthyese dhe i municionit'', dhe dënimin me 11 vjet burgim. Fajtor për veprën penale "Mbajtja pa leje dhe prodhimi i armëve, armëve shpërthyese dhe i municionit'', dhe dënimin e tij me 6 vjet burgim. Fajtor për veprën penale "Vrasja e funksionarëve publikë", mbetur në tentativë, në dëm të viktimës Arjan Ndoj dhe dënimin e tij me 35 vjet burgim. Fajtor për veprën penale “Grup i strukturuar kriminal” në formën e pjesëmarrjes dhe dënimin e tij me 4 vjet burgim. Fajtor për veprën penale "Vrasja në rrethana të tjera cilësuese" me pasojë vdekjen e shtetasit Andi Maloku dhe dënimin e tij me burgim të përjetshëm. Sipas Apelit, Redjan Rraja në bashkim të dënimeve, dënohet përfundimisht me burgim të përjetshëm dhe dënimin duhet ta vuajë në një Institucion të Sigurisë së Lartë.