Prokuroria e Tiranës dha pretencën për princ Lekën, ish-bashkëshorten e tij Elia Zaharia dhe babin e kësaj të fundit Gjergj Zaharinë. Organi akuzës kërkoi 1 vit e 6 muaj burg për Princin Leka Zogu II lidhur me ngjarjen e ndodhur pak kohë më parë ku ai dhe ish-gruaja u përfshin në një konflikt, pjesë e të cilit u bë dhe Gjergj Zaharia. Në pretencën e dhënë, Prokuroria kërkon 6 muaj heqje lirie edhe për Elia Zaharinë dhe dënimin me 1 vit burg të babait të saj, Gjergjit. Por nëse shpallen fajtor të tre të akuzuarve do t’u konvertohet dënimi në shërbim prove. Ndaj tyre rëndon vepra penale e “Dhunës në Familje”. Seanca e radhës pëe shpalljen e vendimit u caktua data 13 dhjetor. Vendimi do jepet nga gjyqtarja Migena Laska. Ndërkohë në seancën e kësaj të mërkure, ishte prezente Elia Zaharia dhe babai I saj, ndërsa mungonte Princ Leka. Ata u vendosën nën akuzë pas një video të regjistrua nga princi teksa konfliktohej me ish-gruan dhe ish-vjehrrin e tij.