Me rezervat e saj të armëve të epokës sovjetike, Bullgaria, shtëpia e një industrie të lulëzuar armësh, mund të jetë një aleat kyç i Ukrainës, e cila është trajnuar dhe pajisur me armë të tilla në luftën e saj kundër forcave pushtuese ruse. Bullgaria aktualisht ka parlamentin e shpërbërë dhe më 2 prill do të zhvillojë zgjedhjet parlamentare, të cilat janë zgjedhjet e pesta të parakohshme në dy vjet. Në këtë kohë të pasigurisë politike, qeveria në detyrë nuk është e gatshme që t’i ofrojë ndihmë me armë vdekjeprurëse Kievit. Këtë e ka mbështetur edhe presidenti bullgar, Rumen Radev, i cili njihet për prirjet e tij në përkrahje të Kremlinit. Radev, një ish-pilot i forcave ajrore, përforcoi qëndrimin e tij së fundmi, duke mos u bashkuar me një mori shtetesh të BE-së për të furnizuar Ukrainën me të paktën 1 milion predha artilerie gjatë vitit të ardhshëm.