Kryeministri i Kosovës, Albin Kurti, tha se vizita e kryeministres serbe Ana Brnabic në Kosovë do të jetë një provë për të pasi do të mund të shohë me sytë e saj se si funksionon reciprociteti për dokumentet mes dy vendeve. “Së pari, jemi pas 1 shtatorit. Dhe është parë se gjithçka po shkon siç kemi thënë ne më herët. Ose do të ketë dokumente hyrëse dalëse edhe në Kosovë edhe në Serbi, ose në asnjërën prej tyre. Doli se në asnjërën prej tyre. Edhe Brnabiç le të hyjë në Kosovë, me letërnjoftimin e autoriteteve të lëshuara në Beograd, dhe le ta shohin se çdo gjë po funksionon në një shtet demokratik, që është më demokratik se Serbia por edhe në rajon” Kurti tha se Kosova dhe serbia nuk e njohin shtetësinë e njëra tjetrës dhe për sa kohë që nuk do të ketë njohje reciproke, Kosova do të vazhdojë me reciprocitet gradual për të arritur deri tek reciprociteti i plotë.