Ish futbollisti Robinho do të duhet të kryejë dënimin për përdhunim me 9 vjet burg. Ky është vendimi i marrë nga gjykatësi i Gjykatës Supreme braziliane që refuzoi apelin e bërë nga Robinho për pezullim të dënimit deri sa të kryhen të gjitha apelimet e mundshme. Ish sulmuesi i Milanit dhe Realit të Madridit, që mbrëmjen e së enjtes gjendej në vilën e tij në Guaruja u arrestua dhe u dërgua në selinë e Policisë Federale të Santosit dhe në përfundim të formaliteteve të rastit u dërgua në burgun e Temembes në një qeli për vetëm 1 person. Nuk mungon frika për integritetin fizik të futbollistit, dicka që u deklarua edhe nga avokati Jose Eduardo Alckmin për CNN. Përfaqësuesit ligjorë të Robinhos kanë frikë se ish sulmuesi tashmë në moshën 40 vjecare është i ekspozuar ndaj shantazheve dhe keqtrajtimeve. Ndërkaq avokati i Robinhos bëri të ditur apeli e radhës kundër burgosjes në mënyrë që më shumë gjykatës të Gjykatës Supreme të mund të analizojnë cëshjen