Ekzekutohet në brigjet e Kalkidhikisë një shtetas shqiptar i Maqedonisë së Veriut. Orhan Bajrami, 39-vjeç, ishet duke kaluar pushimet në brigjet greke të Kalkidhikisë, kur u qëllua për vdekje nga dy persona që lëviznin me motor. Bajrami njihej me nofkën OKI dhe njihej si një biznesmen i lojërave të fatit në Maqedoninë e Veriut. 39-vjeçari u qëllua fare pranë vilës që kishte marrë me qira në Kalkidhiki, teksa përveç tij, mbeti i plagosur edhe një mik i tij, që e shoqëronte në ato moment. Mediat greke bëjnë me dije se dy autorët dyshohet të kenë qenë vrasës me pagesë, pasi kishin studiuar mirë lëvizjet e Bajramit dhe pasi zbrazën breshërinë e plumbave, u larguan me motor, duke humbur gjurmët. Orhan Bajrami ksihte edhe precedent të mëparshëm penalë, teksa bëhet me dije se ishte mik dhe bashkëpunëtor i ngushtë i Jeton Krivanjevës, i cili u ekzekutua disa muaj më parë në Shkup. Edhe vrasja e Krivanjevës dyshohet se lidhet me biznesin e lojërave të fatit, teksa policia nuk ka arritur ta zbardhë e të identifikojë autorët apo porositësit.