Kryeministri i Britanisë së Madhe, Boris Johnson zhvilloi një tjetër vizitë të paparalajmëruar në Kiev, e dyta që nga nisja e luftës në Ukrainë. Kreu i qeverisë britanike u takua me presidentin Volodymyr Zelensky me të cilin diskutoi rreth ndihmës që Britania e Madhe mund të ofrojë për Ukrainën në këto momente kyce të luftës me Rusinë si dhe për bllokadën e grurit. Në konferencën e përbashkët për shtyp Johnson u angazhua se vendi i tij do të ndihmojë në trajnimin e mijëra ushtarëve ukraian, me qëllimin e vetëm për të larguar trupa ruse nga territoret e pushtuara. "Ne jemi këtu edhe një herë për të nënvizuar se jemi me ju për t'ju dhënë qëndrueshmërinë strategjike që do t'ju nevojitet dhe ne do të ndihmojmë për të vazhduar intensifikimin e sanksioneve ndaj regjimit të Putinit," theksoi Johnson.