Për herë të parë në gati dy muaj, bordi i transparencës ka vendosur që të rrisë çmimin e karburanteve. Në vendimin e anëtarëve të bordit të transparencës thuhet se duke filluar nga kjo e premte, nafta tregtohet me 214 lekë për litër, benzina me 195 lekë për litër dhe gazi mbetet në nivelin paraprak prej 71 lekë për litër. Ndërkohë nafta për peshkim do të tregtohet me çmimin 121 lekë për litër. Një litër naftë do të kushtojë 8 lekë më shumë dhe benzina 4 lek më shumë për litër. Gjithashtu, është shtrenjtuar edhe çmimi i naftës për peshkim me 9 lekë për litër.