Pavarësisht kritikave dhe polemikave, SHBA e ka ndarë tashmë mendjen. Uashingtoni do ta furnizojë Ukrainën me bomba thërrmuese në kuadër të një pakete tjetër të ndihmës ushtarake me vlerë 800 milionë dollarë. Vetë presidenti amerikan joe Biden e mbrojti dërgimin e këtyre municioneve në Ukrainë, duke thënë se kjo është një zgjidhje e përkohshme. Ai pranoi se ky vendim kishte qenë për të shumë i vështirë por se ishte biseduar gjerësisht me aleatët dhe anëtarët e Kongresit. SHBA nuk e ka nënshkruar marrëveshjen Ndërkombëtare të Oslos që ndalon bombat thërrmuese, e as Ukraina dhe Rusia. Kievi ka kërkuar prej kohësh armë moderne, si raketa apo bomba thërrmuese, me ndihmën e të cilave mund të goditen njëkohësisht disa objektiva. Me anë të këtyre armëve ai shpreson se mund të thyejë mbrojtjen ruse.