Ukraina raportohet se ka bombarduar linjën më të gjatë hekurudhore të Rusisë, 6500 km thellë në Rusi, për të dytën herë në vetëm dy ditë. Pamje dramatike tregojnë momentin e shpërthimit të trenit të mallrave, në një përpjekje që duket se ka si qëllim paralizimin e trajektores së furnizimeve me municione nga koreja e veriut. Shërbimet sekrete ukrainase thuhet se qëndrojnë pas sulmit të dyfishtë në Buratia, në lindjen e largët të rusisë, më shumë se 6 mijë km larg nga moska. Treni me 50 vagonë, i mbushur me naftë dhe karburant për avionët, është marrë në shënjestër në atë që rusia e ka cilësuar si sulm terrorist. Një shpërthim i dytë më pas ka përfshirë edhe një tren të afërt, duke shkrumbuar katër vagonë e duke derdhur karburantin. Mbrëmjen e të mërkurës, ukraina kishte sulmuar të njëjtin linjë hekurudhore që përshkon vendin, në tunelin e severomujskit, që është edhe lidhja kryesore e rusisë me kinën. Një tren me 41 vagonë, mes të cilëve tre cisterna, raportohet se u shkatërrua. Të dy bombardimet, janë regjistruar më thellë linjave armike se cdo akt tjetër sabotazhi i ukrainës, i kryer deri më sot. Kjo linjë, sipas kievit, përdoret për të furnizuar me armë nga koreja e veriut dhe kina, forcat pushtuese të putinit në ukrainë.