Detaje të tjera janë bërë me dije nga mediat greke lidhur me vrasjen e mafiozit grek Giannis Skaftourou, një biznesmen me një të kaluar jo fort të pastër. Por, karriera e tij e zezë lidhet edhe me shqiptarin Alket Rizai, deri tek dëshmia e të atit të tij, i cili tha se ata nuk mernin asnjë qindarkë nga paratë e krimeve të djalit të tyre. : “Kemi pasur fatkeqësinë që fëmijët tanë që në moshën 35-vjeçare të përfshiheshin në ngjarje të tilla. Ne i vizitonim nëpër burgje për t’u dërguar ushqime. Si unë ashtu edhe gruaja ime nuk morëm asnjë qindarkë nga djali ynë, mes parave që vinin nga krimi. Tani në pleqëri dhe me shëndetin e rënduar kullosim dele dhe dhi nëpër male dhe kujdesemi për nipërit dhe djemtë tanë”. Media greket shkruajnë se viktima i ruhej gjithmonë një atentati, që prej daljes së tij nga burgu, kjo pasi brenda në qeli ai ka patur konfikte me një bandë shqiptarësh, ku një herë ka mbetur i plagosur. Kjo bandë, është një nga pikat që grupi hetimor ka fokusuar hetimet. Vec kësaj, një tjetër detaj i zbuluar nga mediat greke është dhe njohja e Skaftourou me shqiptarin Alket Rizai. Dyshohet se viktima ka qenë bashkëpunëtor në arratisjen e Rizait nga burgu grek.