Dy shtetas kanë rënë në prangat e policisë së Divjakës, pasi organizonin lojëra fati në ambjentet e një lokali. Policia ka arrestuar pronarin dhe një punonjës të lokalit, të cilët kishin përshtatur një lokal në fshatin Karavasta e Re me pajisje për organizimin e kundërligjshëm të lojërave të fatit. Nga kontrollet brenda ambienteve të lokalit të paregjistruar në organet kompetente, në pronësi të 51-vjeçarit, në të cilin ishte punësuar si kamerier, pa u siguruar, një 34-vjeçar u gjetën 7 njesi kompjuterike dhe 3 celularë, që përdoreshin për lojëra fati. Operacioni u zhvillua nga Seksioni për Hetimin e Krimeve Ekonomiko-Financiare, ndërsa Prokuroria e Fierit po merret me hetimet dhe veprimet e mëtejshme ligjore për këtë rast.