Festa e famshme e birrës në Gjermani që tërheq miliona vizitorë nga e gjithë bota, Oktoberfest rihapet pas 2 vitesh mbylljeje për shkak të pandemisë Covid-19. Mynihu dhe rrugët e tij janë rigjallëruar me persona të shumtë që vërshuan për të shijuar këtë festë 2 shekullore. Në fakt në 200 vitet e historisë së tij, Oktoberfest është anuluar vetëm 26 herë, kryesisht për shkak të Luftës së Parë dhe të Dytë Botërore, por në dy raste kjo festë është anuluar edhe për shkak të përhapjes së kolerës herën e fundit që u mbajt festa e famshme e birrës në Gjermani ishte në vitin 2019, kur 6.3 milionë të ftuar konsumuan më shumë se 7.3 milionë litra birrë gjermane. kryetari i Bashkisë, Didier Reiter e deklaroi të hapur ceremoninë duke goditur me cekic rubinetin në fucinë e birrës, ndërkohë që gotën e parë të birrës ai ia ofroi kreut të rajonit të bavarisë, Markus Soeder. Oktoberfest do të zgjasë deri në 3 tetor dhe gjatë këtyre ditëve nuk do të ketë asnjë masë kufizuese dhe njerëzit nuk do të jenë të detyruar të mbajnë masja. Oktoberfest gjeneron rreth 1.2 miliardë euro të ardhura dhe birra ka statusin e kultit në Gjermani e sidomos në Bavari. Gjermanët janë ndër konsumuesit më të mëdhenj të birrës me një mesatare vjetore konsumi prej 84 litrash e regjistruar në vitin 2021