Një prej liderëve të Hamasit, që konsiderohet edhe truri i sulmit të 7 tetorit në Izrael, Jahja Sinvar, i ka shpëtuar tentativave të izraelit për ta kapur, dy herë në pak ditë, duke u larguar përmes rrjetit të tuneleve që shtrihen nën gaza. Sinvar, i quajtur edhe Bin Ladeni i Gazës, po kërkohet në jug të rripit të gazës në atë që izraeli e ka cilësuar si kryeqytetin e ri të terrorit. Trupat izraelite janë mbledhur masivisht në qytetin jugor të Khan Junisit, ku pjesa më e ashpër e luftimeve po zhvillohet tani. Ministria izraelite e mbrojtjes tha se Khan Junisi është bërë kryeqyteti i ri i terrorit dhe se lufta atje do të vazhdojë deri sa të kapen zyrtarët e Hamasit. Deklarata mund të sugjerojë se forcat mbrojtëse të Izraelit po i afrohen Jahja Si8nvar, që raportohet se ëhstë fshehur në qytet javët e fundit. Trupat izraelite kanë mundur të hyjnë në tunelet e nëndheshme të hamasit, ku besojnë se Sinvar fshihej, por ky i fundit ka mundur të shpëtojë. Shefi i Hamasit, sipas mediave izraelite që citojnë burime të inteligjencës, është në lëvizje të vazhdueshme në përpjekje për ti shpëtuar kapjes apo vrasjes.