Ushtria izraelite ka publikuar një video që thotës e tregon shefin e Hamasit në Gaza, Jahja Sinvar, të filmuar më 10 tetor, me pjesëtarë të familjes së tij, në një tunel në territorin palestinez. Imazhi bardhë e zi, tregon një burrë që mendohet se është Sinvar, që kalon përmes një tuneli bashkë me një grua dhe tre fëmijë. Izraeli e akuzon Sinvar si trurin e sulmit të paprecedent të hamasit në izrael, më 7 tetor, që edhe shkaktoi konfliktin që tashmë ka hyrë në muajin e pestë të tij. Zëdhënësi i ushtrisë izraelite, Daniel Hagari, tha se trupat izraelite e kishin zbuluar videon në një kamera sigurie gjatë një operacioni në tunel, por nuk dha më shumë detaje për vendndodhjen e tunelit. “Pamjet tregojnë liderin e hamasit dhe vrasësin masiv, Jahja Sinvar, që largohet bashkë me fëmijët e tij dhe një nga gratë”, tha ai në një konferencë për shtyp. “Kështu ai ka mundur të largohet bashkë me familjen, nga një tunel i nëndheshëm, drejt nëj kompleksi të sigurt që ai e ka ndërtuar më herët”, shtoi Hagari. “Kjo video e Sinvarit është rezultat i kërkimit tonë. Ky kërkim nuk do të ndalet deri sa ne ta kapim atë, gjallë apo vdekur”, tha ai. Nga pamjet, nuk është e mundur të identifikohet vendndodhja, por javët e fundit, ushtria izraelite ka goditur pa reshtur Khan Junisin, qytetin më jugor të Gazës dhe vendlindjen e Sinvarit. Hagari tha se video ishte filmuar më 10 tetor, tre ditë pasi hamasi kreu sulmin në izrael. Më herët këtë muaj, ministri izraelit i mbrojtjes tha se Sinvar po lëvizte nga një strofull në një tjetër dhe nuk ishte më duke udhëhequr operacionet ushtarake të grupit në gaza. “Ai është bërë tani një terrorist në arrati më shumë se sa lider i hamasit në territorin palestinez”, tha ministri. Sinvar iu bashkua Hamasit kur sheiku Ahmad Yassin themeloi grupin në 1987, para fillimit të kryengritjes së parë palestineze, ose sic quhet ndryshe, Intifada kundër pushtimit izraelit.