Kjo e hënë ka shënuar një ulje drastike të infektimeve në vend, ndërsa edhe testime janë kryer shumë pak në të gjithë vendin. Sipas raportimit të ministrisë në 24 orë janë kryer 11 mijë e 766 testime, ku 251 prej tyre janë konfirmuar pozitivë me covid 19. Qarku me infektueshmërinë më të lartë vijon të jetë Tirana. Ndërkohë sa i pëket viktimave, numri i të vdekurve vijon të jetë i lartë, ku bëhet me dije se janë regjistruar 7 humbje jete. Betejën me virusin e rrezikshëm nuk e fituan një qytetar nga Himara 65 vjeç, një qytetare nga Korça 66 vjeçe, një qytetar nga Fieri 79 vjeç, një qytetar nga Shkodra 85 vjeç, dy qytetarë nga Kavaja të moshave 79- 87 vjeç, një qytetare nga Tirana 88 vjeçe. Po ashtu ka një rritje të numrit të pacientëve të shëruar dhe që kanë lënë shtretërit e spitaleve Covid. 1246 qytetarë kanë mundur të fitojnë betejën me koronavirusin, duke e çuar kështu numrin e të shëruarve në 248,882 që nga fillimi i epidemisë. Aktualisht në spitalet COVID po marrin trajtim 126 pacientë, nga të cilët 18 janë në gjendje më të rënduar. Nderkohë, edhe numri i rasteve aktive në vend është ulur, ku momentalisht raportohet për 12 mijë e 606 të tillë.